Të nderuar lexues !                                                                                                                

Mirësevini në faqen zyrtare të internetit të Gjykatës së Rrethit Gjyqësor Berat.

Ideja dhe qëllimi ynë është që nëpërmjet kësaj faqe të ofrojmë një informacion të plotë mbi, funksionimin dhe aktivitetin e këtij institucioni, pasi ndjejmë një detyrim qytetar për ta bërë Gjykatën e Rrethit Gjyqësor Berat një institucion transparent, të afërt, të prekshëm dhe sa më të besueshëm për publikun.

Në shoqërinë tonë demokratike, çdo gjë që i përket funksionimit të institucioneve publike dhe për rrjedhojë ndikimi i aktivitetit dhe veprimtarisë së tyre në jetën e individit dhe të shoqërisë, mundet dhe duhet jetë objekt komunikimi.Informacioni prodhon njohjen dhe njohja favorizon pjesëmarrjen aktive në jetën demokratike të secilit prej nesh.

Përditësimi i vazhdueshëm i faqes së internetit të Gjykatës së Rrethit Gjyqësor Berat, duke e pasuruar atë me më shumë instrument të rinj për kërkimin e informacionit, është në harmoni me nevojën e modernizimit të imazhit të drejtësisë dhe me përpjekjet për të qenë në të njëjtin hap me zhvillimet e teknologjisë së informacionit.

Për Gjykatës së Rrethit Gjyqësor Berat transparenca e veprimtarisë së saj mbetet një angazhim kryesore dhe ky është një prej motiveve më serioze të përpjekjeve tona për të përfshirë në këtë faqe interneti një informacion sa më të dobishëm, i cili do t’i vinte në ndihmë të gjithë vizitorëve që dëshirojnë ta konsultojnë atë me publikun, duke veçuar këtu mediat që, në pjesën më të madhe të rasteve, janë përcjellëset më të shpejta të vendimeve tona tek opinioni publik.

 

NJOFTIM PER VENDE TE LIRA PUNE

Gjykata e Rrethit Gjyqesor Berat shpall 1 ( nje) vend te lire pune me kontrate te perkohshme pune ne pozicionin :

- Sekretare gjyqesore

Kandidati duhet te plotesoj keto kushte :

- Te jete diplomuar ne drejtesi
- Te kete pervoje prej te pakten nje vit te njohur si praktike profesionale ose cdo lloj pervoje tjeter profesionale qe lidhet me gjykaten
- Te mos kete marre masa disiplinore nga administrata publike , per shkak te shkeljeve te renda disiplinore dhe te mos jete larguar per paaftesi ne kryerjen e detyrave funksionale
- Te njohe legjislacionin shqiptar dhe te perdorin shume mire programet baze te kompjuterit
- Te kete aftesi te mira komunikuese dhe te punes ne grup
- Te kete njohuri te gjuhes se huaj

Te interesuari duhet te paraqesin prane Gjykates se Rrethit Gjyqesor Berat , brenda dates 05.10.2018 keto dokumenta :

- Kerkese me shkrim per tu punesuar
- Diplome dhe lista e notave
- Pershkrimin e edukimit dhe karrieres profesionale (CV), si dhe reference nga punedhenesi i meparshem (nese ka)
- Deshmi penaliteti ( te leshuar brenda 3 muajve nga data e konkurimit)
- Deshmi per kualifikime te ndryshme
- Raport mjeksor per aftesi ne pune
- Fotokopje e kartes se identitetit
- Libreze pune ( nese ka)

Te gjitha dokumentat duhet te jene origjinale ose kopje te noterizuara, dhe te dorezohen me zarf ne zyren e protokollit te gjykates.